Kryeministri izraelit, Benjamin Netanyahu ka kundërshtuar Marrëveshjen e arritur në Vjenë ndërmjet fuqive të mëdha botërore dhe Iranit për çështjen e energjisë bërthamore. Ndërsa të gjitha qarqet btërore e kanë quajtur marrëveshjen “historike”, Netanyahu ka thënë se ajo marrëveshje është një “gabim historic”
“Sipas elementeve të para që kemi marrë, tashmë është e mundur të thuash se kjo marrëveshje është një gabim historik për botën”, deklaroi Netanyahu para një takimi në Jerusalem me ministrin holandez të Punëve të Jashtme, Bert Koenders.
”Në saj të kësaj marrëveshjeje që parashikon të pengojë Teheranin të pajiset me armë bërthamore në këmbim të heqjen së sanksioneve që kanë goditur ekonominë e tij, Irani do të marrë qindra miliardë dollarë që do t’i mundësojnë vënien në funksion të makinës së terrorit, agresionit dhe shtrirjes së tij në Lindjen e Mesme dhe në mbarë botën”, theksoi Netanyahu.
Një marrëveshje mbi kufizimin e programit bërthamor të Iranit në këmbim të lehtësimit të sanksioneve ndaj Republikës Islamike është arritur sot në Vjenë.
Një diplomat perëndimor ka thënë se janë kaluar të gjitha pengesat dhe marrëveshja do të zyrtarizohet pas disa orësh.
Gjashtë fuqi botërore, përfshi SHBA, Rusi dhe Mbretëri e Bashkuar, kanë negociuar me Iranin për programin e tij bërthamor.
“Puna që kemi bërë u shpërblye dhe kemi arritur marrëveshjen”, thanë për Reuters dy diplomatë iranianë.
/tesheshi.com/
