Kryeministri izraelit, Benjamin Netanjahu miratoi ndërtimin e menjëhershëm të 300 banesave në koloninë e Beit El, ku janë shembur së fundmi dy vendbanime me urdhër të Gjykatës së Lartë të Jeruzalemit. Ndërkohë, në frontin ndërkombëtar, Amnesty International akuzoi forcat e armatosura izrealite se janë përfshirë në krime lufte.
Kryeministri izraelit njoftoi se 300 banesat ishin premtuar që tre vjet më parë. Ai ka autorizuar edhe shitjen e mbi 90 banesave në veri të Jeruzalemit dhe projektimin e 400 të tjerave rreth qytetit.
Por, ndërsa izraelitët projektojnë ndërtesa, vijnë akuza të forta nga një raport i Amnesty International ku thuhet se forcat e armatosura izraelite janë përfshirë në krime lufte ndërsa kanë sulmuar nga ajri e toka zonat e banuara në Gaza. Amnesty nuk përjashton edhe krimet kundër njerëzimit në disa raste.
Izraeli është kundërpërgjigjur ndaj akuzave duke thënë se Amnesty falsifikon realitetin në raportet e veta për luftimet e një viti më parë.
Organizata ndërkombëtare e të drejtave të njeriut thekson në raportin e paraqitur në Jeruzalem se në Rafah ka ndodhur një masakër, me një bilanc total prej 135 palestinezësh të vrarë, mes të cilëve 75 minorenë. “Me një indiferencë të tmerrshme ndaj jetëve njerëzore të civilëve”, thotë Amnesty, Izraeli ndërmorri sulme edhe pasi ishte shmangur rreziku.
Nga kjo lind dyshimi se sulmet e mëpassshme ishin të motivuara nga dëshira për “ndëshkuar” Rafah. “Shpërtheu një zjarr ferri, ndërsa avionët F-16, helikopterë e artileria godisnin masivisht zonat e banuara në qytet. Izraeli tashmë i kishte hequr dorezat, akuzon Amnesty, dhe injoroi me qëllim kodin e luftës”.
Viktimat dhe familjet e tyre kanë të drejtën për të marrë Drejtësi. Ata që dyshohet se kanë urdhëruar apo kryer krime lufte, përfundon Amnesty, duhet të procedohen”. /tesheshi/
