A mund të jetoni pa para në një botë kaq materialiste e të dhënë pas parasë sa kjo e jona? 15 vite më parë, Heidemarie Schwemer, i bëri vetes të njëtën pyetje dhe përgjigjia që mori po nga vetja ishte: “po!”. Ajo lindi dhe u rrit në një familje shumë të mirë dhe të suksesshme gjermane, deri në Luftën e Dytë Botërore, gjatë së cilës ata u detyruan që të zhvendoseshin.
Pas luftës, i ati filloi një punë të mirë dhe gjithçka për ta u kthye si në fillim. “Ne u bëmë sërisht të pasur dhe këtë na duhej që ta mbronim” – thotë Heidemarie. “Më duhej gjithmonë ta justifikoja veten.” Fillimisht punoi si mësuese e më pas si psikoterapiste. Të dyja punë me paga shumë të mira.
Por edhe pse ishte financiarisht e mbështetur, ajo nuk ishte e lumtur. Dhe shpesh kujtonte, jo pa njëfarë nostalgjie, kohët kur jeta e saj ishte më e vështirë, kur nuk kishte para. Kësisoj mendoi se a do të ishte e mundur që të gjente një mundësi të jetonte pa para? Një ditë, një mik i tha që të kujdesej për familje të ndryshme dhe të mos merrte para prej tyre, por vetëm ushqime dhe veshje.
Ajo e ndoqi këshillën thjesht për një vit më tepër si eksperiment. Por duket që kjo ju shndërrua në mënyrë jetese. Sot ajo është në vitin e 16-të të “eksperimentit” të saj dhe ndihet e lumtur që për 16 vjet nuk ka parë para me sy dhe. Dhe mbi të gjitha familjet që e thërrasin për punë të ndryshme ndihen të lumtura që kanë një njeri si ajo pranë. Ju mund ta bëni një gjë të tilë? /tesheshi.com/
