Ndërron jetë ikona e manifestit të femrës moderne, ja çfarë nuk dini për këtë person

Ka ndërruar jetë në Connecticut, në moshën 92 vjeçare Mary Doyle Keefe, femra e cila në moshën 19 vjeçare pozoi për piktorin Norman Rockwell, në manifestin e famshëm që tregonte pavarësinë dhe patriotizmin e fuqisë femërore amerikane gjatë shekullit të konfliktit botëror.

Fytyra e femrës, e cila frymëzoi edhe manifestin tjetër feminist të J. Howard Miller, të njohur gjerësisht për logon “We can do it”, ku një vajzë riparon makineritë, ka përfaqësuar për vite me radhë punën e femrave, të cilat zëvendësojnë meshkujt duke punuar në industritë e rënda.

Mary, e pikturuar si një operatore mekanike muskuloze, në atë kohë kishte fizikun e një femre që punonte centraliste. Ishte viti 1942 kur piktori Norman Rockwell i kërkoi të pozonte me këmishë blu dhe me gozhdë në dorë për aparatin e tij.

“Jam paguar 10 dollarë (rreth 143 dollarë sot) për dy sesione fotografie. Rockwell kishte shumë dëshirë të pikturonte përmes fotove, kështu që më bëri nja dy të tilla”,- kujtonte Mary në vitin 2012, gjatë një interviste për Hartford Courant, të përditshmen e Connecticut.

Piktura finale, ku dukej një version muskulor i Mary duke ngrënë një panine ndërsa në dorën tjetër mban një armë të rëndë të fabrikuar, ishte shumë i ndryshëm nga jeta normale dhe fiziku i modeles reale.

Rockwell, kur manifesti ishte shndërruar tashmë një ikonë, tha se ishte i frymëzuar nga pozicioni i profetit Isa, i pikturuar nga Michelangelo në Kapelën Sistine. Ai më pas i kërkoi falje Mary për këtë transformim që i kishte bërë.

“Ti ishe femra më e bukur që unë kisha takuar ndonjëherë në atë kohë. Më vjen keq që të shndërrova në atë lloj gjiganti”,- ka thënë ai 24 vjet më pas.

Vetë Mary nuk është ndjerë kurrë një heroinë apo një ikonë e feminizmit. “Nuk ndihem si ndonjë lloj modeli i femrës moderne. Në atë kohë ishte gati duke nisur lufta dhe të gjithë bënim atë që mundeshim. As që e dija se cila ishte ideja përfundimtare e manifestit, deri sa ai u publikua”,- ka thënë gruaja në intervistën e vitit 2012.

Portreti, i cili u publikua në kopertinën e “Saturday Evening Post”, më 29 maj 1943 u shit në vitin 2002 për 5 milion dollarë./tesheshi.com/