Ministrat e Financave të Eurozonës kanë vendosur pasditen e së mërkurës që të mos zhvillojnë më bisedime me Greqinë deri në shpalljen e rezultateve të referendumit.
Lajmin e ka bërë të ditur ministri sllovak, Peter Kazimir pas një takimi të zhvilluar në Bruksel.
“Eurogrupi vendosi unanimisht që të presë rezultatin e referendumit grek para se të zhvillohen bisedime të mëtejshme”, ka thënë Kazimir.
Përmes një postimi në rrjetin social Twitter, ai është shprehur: “Të mos vendosim karrocën përpara kalit”.
