Në një intervistë dhënë për televizionin SCAN, kreu i LSI-së e njëherësh kreu i parlamentit shqiptar, Ilir Meta, ka thënë se “vitin e ri do e kalojë këtu bashkë me familjen”, d.m.th në Shqipëri, duke lënë të nënkuptuar pra se nuk është ndër ata politikanë dhe krerë shteti që largohet gjetiu jashtë vendit, e patjetër me shpenzime të mëdha, për të festuar ndërrimin e viteve.
Edhe pse kjo mund të jetë plotësisht e vërtetë, pa llogaritur që dhe në Shqipëri ekzitojnë variante për të festuar me shumë salltanete dhe para, tek një masë e madhe shqiptarësh ende ka mbetur i freskët kujtimi i një festimi aspak modest i ditëlindjes së tij kur mbushi 45 vjeç, këtu e dy vite më parë, i cili u shoqërua me një “luks vrasës”, deri dhe arrogant. /tesheshi.com/
