Në një më të fundit intervistë, kryeministri grek Kyriakos Mitsotakis është ndalur te tubimi i kryeministrit Rama në Athinë me emigrantë shqiptarë në Greqi.
Ai tha se vizita e homologut të tij ishte një vizitë private dhe theksoi se nuk kishin asnjë qëllim për ta ndaluar atë, pasi Greqia nuk ka pse të frikësohet nga zhvillime të tilla.
“Vizita e Edi Ramës këtu ishte private, ashtu si fjalimet përkatëse parazgjedhore që ai ka planifikuar tashmë në vende të tjera, në funksion të zgjedhjeve në Shqipëri. Qeveria nuk kishte arsye ta ndalonte. Thjesht sepse Republika Helenike nuk ka pse të frikësohet nga një ngjarje e tillë”.
Por më pas, Mitsokakis, referuar çështjes “Beleri”, përcolli një mesazh cinik për Tiranën.
“Çështjet në marrëdhëniet greko-shqiptare dhe euroshqiptare sigurisht që mbeten. Dhe kryeministri i Shqipërisë nuk mund të anashkalojë kushtet për anëtarësimin e vendit të tij në BE. Së pari, respektimi i shtetit ligjor, i cili është i parashikuar në nenin 2 të Traktatit për Bashkimin Evropian.
Do të jem i qartë: me paraburgimin e paligjshëm të kryetarit të zgjedhur të Bashkisë së Himarës, tashmë kandidat për Parlamentin Europian, Fredi Beleri, Shqipëria shkel vlerën e shtetit ligjor. Prandaj, kjo nuk është vetëm një çështje dypalëshe, por kryesisht një çështje evropiane. Dhe duke qenë se rruga e anëtarësimit të Shqipërisë varet nga respektimi i të drejtave themelore të minoritetit grek, ajo kalon në mënyrë të pashmangshme nga vendi ynë”. /tesheshi.com/
