Meta komenton kërkesën për dorëheqje: Basha e ka inatin me Berishën dhe ma nxjerr mua

Refuzimi i ambasadës Amerikane në Tiranë për t’u përfshirë në hetimin e skandalit të CEZ është komentuar si një lloj refuzimi direkt ndaj kërkesës së kreut të LSI-së Ilir Meta. Por, ky i fundit ka hedhur poshtë spekulime të tilla, duke thënë se LSI ka marrëdhënie të shkëlqyera me ndërkombëtarët.

“Asnjë kandidat i LSI nuk ka pasur asnjë problem që të krijonte shqetësim më të vogël me ndërkombëtarët. Nuk më është paraqitur asnjë shqetësim për asnjë deputet të LSI nga ndërkombëtarët apo të asnjë ministri. Do të jem shumë shpejt pas 3 javësh në SHBA. Dhe do komunikoj me ju nga Uanshingtoni”, tha Meta për mediat, duke iu përgjigjur me këtë rast edhe lajmeve që dolën kur ai nuk udhëtoi drejt SHBA-ve për të marrë pjesë në sesionin e Asamblesë së OKB-së, duke dërguar Valentina Leskajn.

Meta në një deklaratë për mediat, i tërhoqi vëmendjen edhe kreut të opozitës, Lulzim Basha gjithnjë duke iu referuar komenteve në media për një luftë të brendshme në PD mes kryetarit dhe ish-kryetarit.

“Unë e kuptoj kush është arsyeja e tij e vërtetë”, tha Meta lidhur e akuzat e vazhdueshme që vijnë në drejtim të tij nga Basha. “Eshtë pakënaqësia e tij e thellë për respektin maksimal që unë tregoj jo vetëm për demokratët në Parlament, por sidomos për liderin historik z. Berisha duke i dhënë mundësinë të shprehë pa kufi qëndrimet e tij politike”, tha kryeparlamentari. /tesheshi.com/