Zëvendëskryeministri i Kosovës, Hashim Thaçi ka deklaruar se javën që vjen do të procedohet dhe votohet për themelimin e Gjykatës Speciale.
Ai sot ka mbledhur grupin parlamentar për diskutuar lidhur me Gjykatën Speciale. Sipas tij, ky ka qenë një takim i zakonshëm, ku janë dakorduar edhe për votimin e Gjykatës Speciale. Më tej, ai ka thënë se Gjykata Speciale është për të mirën e vendit dhe të shoqërisë.
“Ishte një mbledhje e rregullt, e zakonshme, për seancën e nesërme. Sa i përket amendamenteve për Gjykatën Speciale dëshiroj të theksoj se ishte rekomandim që gjatë javës së ardhshme të procedohet dhe të votohet. Kjo është në interesin e politikës së Kosovës dhe në interesin e Kuvendit dhe gjithë shoqërisë kosovare, dhe interesit të perspektivës euro atlantike dhe të vazhdimësisë së ndërtimit të partneritetit me BE-në dhe SHBA-të”, ka deklaruar Thaçi./tesheshi.com/
