Dukej se ishte një ndër të paktat kompani multinacionale e aftë ëpr të përballuar pa shumë probleme recesionin, duke dyfishuar prodhimin e saj nga viti në vit, por këtë herë nuk ka ndodhur kështu. Me sa duket McDonald’s është duke u përballur me një krizë të rëndë dhe me shumë mundësi, është duke jetuar ditët e tij të fundit. Ky është mendimi i disa koncensionarëve amerikanë të cilët janë pyetur në lidhje me performancat e fundit të kësaj kompanie.
Sipas The Independent, përpjekjet për të mbajtur gjallë kompaninë kanë qenë aq të mëdha saqë administratori i deleguar, Steve Easterbrook vendosi të prezantojë mundësinë e shërbimit të vakteve 24 në 24 në pikat e shitjes, në Amerikë.
Mirëpo, rezultatet nuk ishin ato që priteshin. “Shërbimi i vakteve 24 orë në 24 nuk ka bërë gjë tjetër veç se ka krijuar probleme në guzhinë: stafi ka qenë nën presion dhe rreziku i bërjes së gabimeve ishte i madh”,- thotë një koncensionar.
“Administratori i deleguar po përgatit rrugën për shpalljen e disfatës. Nuk është duke ndryshuar asnjë gjë”,- thotë një tjetër. Mirëpo, kjo nuk është risia e vetme që vjen nga SHBA. Mesa duket, asnjë gjë nuk funksionon: rënia e zinxhirit, e cila nisi dy vite më parë, duket se nuk po ndalet. “Jemi duke u munduar të bëjmë shumë gjëra në të njëjtën kohë, për shumë persona”,- thotë një nga menaxhuesit e markës. Kencensionarët përfaqësojnë 81% të restoranteve McDonald’s në të gjithë botën dhe kuptohet lehtësisht rëndësia e tyre./tesheshi.com/
