Përkundër paralajmërimit që u dha të shtunën, Komisioni Shtetëror i Zgjedhjeve sot nuk ka mbajtur seancën në të cilën duhej të diskutohet për cështjen e votuesve nga Pusteci i Shqipërisë, e të cilët janë pajisur me letërnjoftime ne adresë të Shkupit, për të votuar në zgjedhjet e këtushme, gjë për të cilën po akuzohet partia maqedonase në pushtet.
Kryetari I KSHZ-së Nikolla Rillkovski, deklaroi se nuk do t’injorojë informatat të cilat po I plason opozita lidhur me votuesit fiktiv nga Pusteci, por siq tha, të gjitha paregullsitë zgjedhore do të trajtohen pasi opozita maqedonase të mbajë konferencën e radhës, e cila sipas paralajmërimeve do të shpalosë paregullsi tjera të procesit zgjedhorë.
Anulimin e konfirmoi edhe nënkryetari i KSHZ-së, Subhi Jakupi: “Sot nuk ka mbledhje të KSH-së, ndërsa nuk kemi as paralajmërim nga kryetari se kur do të ketë mbledhje evetuale” na informoi me anë të një SMS porosie nënkryetari i komisionit, Subhi Jakupi.
Lidhja Social Demokrate e Maqedonisë, respektivisht lideri i saj Zoran Zaev, më herët tha se të Martën, do zbardhë një aferë tjetër të përgjimeve, e cila ka për qëllim të nxjerë në dritë manipulimin e pushtetit me procesin zgjedhor. (tesheshi.com)
