Miqtë dhe të afërmit e njerëzve të plagosur në një zjarr vdekjeprurës në një klub nate në Maqedoninë e Veriut presin jashtë spitalit në Shkup për lajme mbi gjendjen e tyre.
Simeon Sokolov, 50 vjeç, thotë se vajza e tij Anastasija, 23 vjeçe, po trajtohej në spital për djegie dhe thithje tymi. Mes lotësh dhe emocionesh ai pohoi se “ka shumë fëmijë që po vuajnë”, duke uruar që të mbijetojnë e të shërohen.
“Jam babai i njërit prej fëmijëve të prekur nga tragjedia e madhe në Koçan. Anastasija Sokolov është vajza ime, është këtu në spitalin e Shkupit, ka qenë disa orë në Shtip, ka djegie, ka edhe thithje tymi, dhe është këtu për mjekim me respirator, është në gjendje të qëndrueshme. Më e rëndësishmja, ajo është gjallë. Dhe presim për lajme të tjera, tami për tani kaq dimë. Di vetëm që janë shumë fëmijë që kanë vuajtur. Ne ishim gjithë kohës në spitale. Doktorët po bëjnë punën e tyre, por numri është i madh. Dashtë Zoti gjithësecili të mbijetojë dhe të bëhet mirë”, shprehet babai, përcjell A2.
Strage di giovani in Macedonia del nord. Più di cinquanta persone sono morte nell'incendio in una discoteca di Kocani durante il concerto di una band locale. Le fiamme sono state scatenate dai fuochi d'artificio accesi sul palco pic.twitter.com/JCBUZY3Vuh
— Tg3 (@Tg3web) March 16, 2025
Zjarri mori jetën e të paktën 59 të rinjve dhe lëndoi 160 të tjerë filloi në klubin e natës “Pulse” kur çatia mori flakë nga një ekspozitë piroteknike, thanë autoritetet. 27 persona janë shtruar në spitalin e qytetit të Shkupit me djegie të rënda dhe 23 të tjerë janë duke u trajtuar në Qendrën Klinike. Mes të plagosurve ka edhe të mitur.
Ministri i Shëndetësisë, Arben Taravari, tha se 18 persona janë në gjendje kritike. Ndërsa kryeministri Hristijan Mickoski e quajti këtë një ditë të vështirë dhe shumë të trishtueshme për Maqedoninë!
“Humbja e kaq shumë jetëve të reja është e pariparueshme, dhimbja e familjeve, të dashurve dhe miqve është e pamatshme”, tha kryeministri, ndërsa Maqedonia shkon në një javë zie kombëtare.
Fire at Club 'Pulse' in Kocani, North Macedonia pic.twitter.com/f4LOoL1gzB
— MIBAWI (Michael Barthel) (@RealMiBaWi) March 16, 2025
Hetimet
Pesë prokurorë do të marrin përsipër hetimet për zjarrin vdekjeprurës në një diskotekë në qytetin e Koçanit, njoftoi prokurori i përgjithshëm i Maqedonisë së Veriut, Ljubço Kocevski.
“Aktualisht, janë lëshuar urdhër për mbledhjen e provave” dhe po merren deklarata nga disa individë, tha Kochevsky, pa dhënë detaje të mëtejshme.
#Breaking
🚨51 DEAD & over 100 injured in night club fire tragedy says North Macedonia's Interior MinisterBlaze extinguished by firefighters#Club_Pulse #Kocani #North_Macedonia@RT_compic.twitter.com/iM3jZJB9SJ https://t.co/fVsq7sgV3f
— ⚡️🌎 World News 🌐⚡️ (@ferozwala) March 16, 2025
Pamjet nga Reuters tregojnë fletët metalike të djegura nga tavani i diskotekës “Pulse”, të cilat janë shembur në disa vende. Trarët prej druri brenda janë nxirë nga zjarri dhe tymi.
Pas vizitës së të plagosurve në spitalin e Shkupit, presidentja e Maqedonisë së Veriut, Gordana Siljanovska Davkava, e veshur me të zeza dhe duke u përpjekur të mbajë lotët, tha se autoritetet ishin të gatshme të bënin gjithçka për të ndihmuar viktimat. “Thjesht nuk mund ta kuptoj… çfarë fatkeqësie, çfarë tragjedie…”, tha ajo.
Autoritetet e Maqedonisë së Veriut raportuan se 18 deri në 20 persona të cilët janë në gjendje kritike do të transferohen për trajtim jashtë vendit, kryesisht në Greqi, Serbi dhe Bullgari.
