“Ligjit mund t’ia hedhësh një herë, dy herë, por vjen një moment që i lan hesapet përpara ligjit”. Ka qenë kjo deklarata e ministrit të Drejtësisë, Ylli Manjani gjatë një takimi me gjimnazistët e Durrësit, por duket se mesazhi i tij kishte destinacion edhe më të gjerë, se një grupi të rinjsh. Në takimin e quajtur ‘Rinia në Fokus”, Manjani e vlerësoi këtë nismë dhe bëri apel për të gjithë të rinjtë që të kuptojnë rëndësinë e ligjit dhe ta respektojnë atë.
“Eshtë kënaqësi që marr pjesë në këtë diskutim të hapur dhe më shumë sesa të flas unë, dua të dëgjoj bashkëmoshatarët e djemve të mi, se çfarë mendojnë për situatën ku jetojmë, sesi e shikoni ju situatën e asaj që ne i themi me një fjalë të tmershme, lufta kundër krimit, lufta kundër korrupsionit, madje dhe kur ngrihemi në mëngjes na duket sikur shkojmë në luftë dhe jo në punë. Po të më pranoni si “këshillonjësin” juaj ligjor do t’ju këshilloja se nuk ja vlen të kesh problem me ligjin. Ligjit mund t’ia hedhësh njëherë, mund t’ia hedhësh dy herë edhe herën e tretë me pak zor e gjen mënyrën, por vjen një moment që fillon dhe i lan hesapet dhe larja e hesapeve përpara ligjit është një situatë që është e pashmangëshme në një shoqëri me shtet”, u shpreh Manjani
Gjatë këtij takimi, ministri ripërsëriti qendrimin e tij, se burgu nuk është një alternativë e mirë, ndonëse shpesh nuk mund ta shmangim.
“A është burgu alternativë? Sigurisht që nuk është, futem tek ata juristë shqiptar që nuk çmoj që për një gjimnazistë, që si alternativë të jetë burgu. Sigurishtë që nuk do ta lëmë dhe pa ndëshkuar. Po sigurisht, ne nuk mund t’ju ndihmojmë as ju as familjeve tuaja në qoftë se alternative është burgu dhe këtë e kemi në dorë bashkarishtë. Ju që të mos na çoni tek ekstremi dhe ne që të përpiqemi që deri në fund të bëjmë më të mirë për t’u edukuar”, përfundoi ministri Manjani./tesheshi.com
