Ylli i Hollivudit, Steven Seagal komentoi këtë të hënë për pushtimin rus të Ukrainës.
Në deklaratën e tij ai ka theksuar se të dyja palët i sheh si “një familje”.
“Shumë prej nesh kanë miq dhe familje në Rusi dhe Ukrainë. Unë i shoh të dyja palët si një familje dhe besoj vërtet se ekziston një faktor i jashtëm që shpenzon shuma të mëdha parash për të provokuar këto dy vende që të jenë në konflikt me njëri-tjetrin”, tha Seagal.
“Lutem që të dyja vendet të arrijnë një zgjidhje pozitive, paqësore, në mënyrë që të mund të jetojmë së bashku dhe të lulëzojmë në paqe”, shtoi ai.
Seagal njihet për miqësinë e tij me Vladimir Putinin, të cilin e mbrojti publikisht pas aneksimit të Krimesë dhe e quajti “një nga liderët më të mëdhenj të botës”.
Në vitin 2016, ai mori nënshtetësinë ruse dhe Putin i dorëzoi një pasaportë ruse. Disa muaj më vonë, Ukraina e shpalli atë një “kërcënim për sigurinë kombëtare” dhe ia ndaloi hyrjen në vend për pesë vjet. /tesheshi.com/
