Zjarret e mëdha me përhapje të shpejtë mund të kenë shkatërruar gjysmën e qytetit historik kanadez Jasper në provincën e Albertës, shkruan BBC. Zjarri rrafshoi rrugë të tëra.
Zyrtarët e Parkut Kombëtar Jasper, i cili ndodhet pranë qytetit me të njëjtin emër, thanë se zjarrfikësit ende nuk i kanë vënë nën kontroll zjarret dhe se parashikimi i motit thotë se do të jetë sërish nxehtë në ditët në vijim. Edhe pse askush nuk vdiq nga zjarret, rreth 20,000 turistë dhe 5,000 banorë në Jasper u larguan në pjesët veriore të Albertës.
Parku Kombëtar Jasper tha të enjten në mbrëmje se zjarret kanë përfshirë një sipërfaqe prej 36 mijë hektarësh dhe shtoi se zjarret nuk kërcënojnë vendet e afërta.
Erërat e forta, ekstremet e zjarrit dhe tymi thuhet se e bëjnë të vështirë shuarjen e zjarrit në Jasper. Kryeministrja e Albertës, Danielle Smith, me lot tha se zjarret mund të kenë shkatërruar afërsisht 30 deri në 50 ndërtesa në Jasper.
https://twitter.com/i/status/1816537799568556363
“Nuk ka dyshim se ky është makthi i çdo komuniteti”, tha Danielle Smith, duke shtuar se shumë breza kanë qenë krenarë për Parkun Kombëtar Jasper.
Smith derdhi lot gjatë një konference për shtyp ku përshkroi bukurinë e parkut.
Jasper është shumë i varur nga turizmi, me rreth 2.5 milionë njerëz që vizitojnë Parkun Kombëtar çdo vit.
Mediat kanadeze raportojnë se zjarret që po shkatërrojnë Jasper po pengojnë trafikun hekurudhor, furnizimin me energji elektrike dhe telekomunikacionin.
Pronarja e hotelit Maligne Lodge në Jasper, Karyn Decore, ishte me pushime kur mësoi se hoteli i saj ishte djegur.
Ajo mori foton e mbetjeve të hotelit të mërkurën në mbrëmje.
“Mendoj se do të shërohem nga tronditja pas disa ditësh”, tha Decore, duke shtuar se ka në plan të restaurojë hotelin e saj.
Gazetarja e BBC-së Wendy Hurrell dhe bashkëshorti dhe vajza e saj ishin në Parkun Kombëtar Jasper kur zjarret shkatërruese shpërthyen atje të hënën.
“Jemi ndër të fundit që kemi parë bukurinë e Jasper. Do t’i duhet shumë kohë për t’u rikuperuar”, tha Ëendy Hurrell për BBC.
Qindra zjarrfikës nga e gjithë bota janë duke shuar zjarret në Jasper. Zyrtarët thanë të enjten se duan të frenojnë zjarret që po sulmojnë qytetin nga dy anët.
Pierre Martel, kreu i menaxhimit të zjarrit në Agjencinë e Menaxhimit të Parqeve Kombëtare të Kanadasë, tha se zjarri u ndez nga një stuhi dhe se zjarret filluan të përhapen me shpejtësi të mërkurën për shkak të erërave të forta.
Truly HEARTBREAKING 💔 what’s happening in JASPER National Park. However, if TRUDEAU & team wasn’t so focused on sending money to other Countries, maybe they could have focused on proper forest mgmt and have the tools available to put out fires. SAD 😔 pic.twitter.com/vniB6r4rBk
— Melissa 🇨🇦 (@MelissaLMRogers) July 25, 2024
Flakët në disa vende kanë arritur një lartësi prej 100 metrash. Ministri i Sigurisë Publike në Alberta, Mike Ellis tha se zjarri shpërtheu pesë kilometra larg Jasper dhe se u deshën më pak se 30 minuta për të arritur në qytet për shkak të erës.
Kryeministri kanadez Justin Trudeau falënderoi shërbimet e urgjencës që nxituan për të ndihmuar banorët e plagosur të Jasper dhe turistët që ndodheshin në Parkun Kombëtar Jasper.
Alberta është përfshirë nga zjarret për disa kohë. Vitin e kaluar në Alberta u dogjën 2.2 milionë hektarë nga data 1 mars deri më 31 tetor. /tesheshi.com/
