Atletiko Madrid ka arritur ta përmbysë disavantazhin e ndeshjes së parë ndaj Bayer Leverkusenit me golin e Mario Suarezit në pjesën e parë. Por, për ta parë vetën në fazën tjetër të Ligës së Kampionëve “kuq e bardhët” e drejtuar nga Diego Simeone është dashur të kalojnë përmes penaltive. Pas tri dështimeve të gjermanëve dhe tre gola të madrilienëve, Atletiko kalon me sukses në çerekfinale duke kërkuar ta përsërisë edhe njëherë befasinë e sezonit të shkuar mirëpo kësaj rradhe rrugëtimi do të jetë shumë më i mundimshëm.
Arsenalit i ka mbetur peng çerekfinalja vetëm për një gol të cilin mund ta kishte arritur Sanchez në minutat e fundit, por që iu mohua nga “gardiani” i Monakos, Subasic. Revolveristët ishin afër revolucionit me ç’rast arritën të fusnin topin dy herë brenda Principatës së Monakos, përmes Giroud dhe Ramsey, por të pamjaftueshëm për ta përmyllu deficitin e ndeshjes së parë, (3:1).
Kështu Atletiko Madrid dhe Monaco, iu bashkohen katër skuadrave tjera që nxorrën “biletën” për më tej javën e shkuar, deri sa neser atë do ta shijojnë vetëm edhe dy të tjera. /tesheshi.com/
