Keni maja të dyfishta të flokëve dhe nuk arrini ti hiqni? Kremrat dhe balasmet nuk kanë dhënë asnjë rezultat? Mos u shqetësoni më për këtë problem. Nga Brazili vjen ‘velaterapia’, një metodë që duket paksa ekstreme, por që sipas atyre që e kanë provuar, i lë flokët tepër të butë.
Sipas ekspertëve që e praktikojnë, me velaterapinë përdoret flaka e një qiriri, në mënyrë përfituese për flokët. Flaka djeg në masën e duhur flokët për gjatë gjithë gjatësisë së tyre.
Kjo metodë lejon hapjen e majave të dyfishta deri në fazën që floku është i dëmtuar dhe më pas, me djegien e tyre, qimja kthehet në normalitet. Procesi është shumë më i gjatë nga sa mund të mendohet. Flokët ndahen në rripa shumë të hollë.
Çdo rrip floku e rrotulloni rreth vetes dhe i nënshtrohet me kujdes flakës së qiriut. Mund të duket paksa e frikshme dhe në fakt është e rrezikshme nëse aplikohet nga persona të cilët nuk ia kanë idenë kësaj teknike.
Era që çlirohet në ajër është ajo e flokut të djegur. Me të vërtetë shumë e padëshirueshme si aromë. Pas përfundimit të djegies së majave të dyfishta, flokët mbulohen me një krem zbutës dhe për 10 minuta duhet ta mbani atë të izoluar, mundësisht me një qese, pasi keni aplikuar kremin.
Në fund i shplani dhe do të shikoni se qimet në kokën tuaj do të jenë tejet të butë, pa maja të dyfishta dhe të shkrifët. /tesheshi.com/
