Deputeti i AKR-së, Labinot Tahiri, ka thënë se Ramush Haradinaj e meriton të bëhet kryeministër pasi i është mohuar njëherë e drejta për të drejtuar Qeverinë.
Por ai është treguar tejet i sinqertë kur është pyetur nga gazetarët nëse do të votojë apo jo Ramush Haradinajn për këtë post.
“Unë votoj nëse më lejon partia dhe nga lideri im, nuk jam person që bëj bllokadë, sepse populli ka humbur shpresën, dikush duhet të reflektojë”, tha Labinot Tahiri.
Ai shtoi se është e padrejtë të shikohet vetëm vota e tij dhe e Teuta Rugovës, duke shtuar se Haradinaj ka edhe shumë miq tjerë./tesheshi.com/
