Në kulmin e një debati të ndezur mbi largimet nga Shqipëria vitet e fundit, Auron Tare, një figurë e njohur publike e angazhuar me ruajtjen dhe promovimin e trashëgimisë shqiptare, zyrtarisht kreu i Agjencisë së Bregdetit, ka hedhur një status me titullin “Heronjtë e heshtur”.
Me këta të fundit, ai aludon për të gjithë ata shqiptarë që vendosin të kthehen në atdhe, siç në fakt është dhe ai vetë, pasi qëndroi disa vite në SHBA, por dhe në Hollandë vite më parë.
“Heronjtë e Heshtur”
te largohesh nga vendi yt eshte gjithmone nje vendim individual Largimi ka arsye nga me te ndryshmet dhe ka qene dhe do te jete nje proces individual i ndikuar nga faktore te ndryshem ekonomik social dhe politike. Ndersa ne periudhen komuniste arratisja nga shqiperia ishte nje drame fatale per kedo qe e prekte ajo ikje, largimi i sotem eshte nje proces normal personal. Himnizimi apo fataliteti mediatik i largimit nga Shqiperia eshte thjesht nje histeri per te shigjetuar kundershtar politike apo krahe politike. te gjithe jemi larguar nga Shqiperia per nje arsye apo nje tjeter dhe jemi kthyer apo jemi rilarguar perseri. Nuk ka asnje drame per t’u mediatizuar ne ekstrem. E nderkohe qe gjithkush ka vene kujen per ikjen e nje artisti askush nuk flet per ata qe kthehen. Per ata qe pasi kane krijuar nje jete tjeter me shume sakrifica per nje arsye apo nje tjeter kerkoojne te kthehen ne vendin e tyre. Pa buje pa zhurme, fundja perse duhet te besh zhurme se po kthehesh ne shtepi?
Vetë Tare, edhe pse e irriton jeta shqiptare në shumë drejtime, thotë se në Shqipëri ndihet më i motivuar për të punuar, gjithnjë duke i shërbyer vendit me më të mirën që posedon. /tesheshi.com/
