Ish-ministri belg dhe ish komisioneri evropian Didier Reyders u morr në pyetje nga Policia të martën dhe rezidencat e tij në Bruksel dhe gjetkë u kontrolluan si pjesë e një hetimi për pastrim parash.
Një burim i njohur me rastin konfirmoi për AFP informacionin, i cili u zbulua fillimisht nga gazeta Le Soir.
Hetimi, i cili është përgjegjësi e prokurorit publik të Brukselit, filloi në vitin 2023, pas një ankese të Shërbimit të Inteligjencës Financiare dhe Lotarisë Kombëtare, sipas të njëjtit burim.
Renders, 66 vjeç, dyshohet për pastrim parash përmes blerjes së lotarive dhe lojërave të tjera të fatit kur ai ishte ende ministër i qeverisë federale. Shuma nuk është specifikuar.
Dy ditë pas përfundimit të mandatit të tij në Komision, Reyders i është kërkuar t’u përgjigjet pyetjeve nga Policia, por nuk është ndaluar, sipas burimit të njohur me rastin, dhe gjithashtu janë kryer kontrolle, përfshirë edhe shtëpinë e tij në Bruksel.
Sipas informacioneve të Le Soir, është kontrolluar edhe shtëpia e tij e pushimit në Wallonia.
Ky komisioneri evropian, përgjegjës për Drejtësinë në mandatin e parë (2019-2024) të Ursula von der Leyen si Presidente e Komisionit, ishte përgjegjës, ndër të tjera, për mbrojtjen e shtetit ligjor në BE.
Më parë, liberali frëngjisht-folës ishte anëtar i qeverive belge për njëzet vjet: ai qëndroi për vite si ministër i financave (1999-2011), më pas mori postin e ministrit të Jashtëm (2011-2019).
Këtë vit ai ishte një kandidat për t’u rizgjedhur si komisioner evropian i Belgjikës, por fraksioni i tij, Lëvizja Reforme (Mouvement réformateur, MR, liberal), preferoi në vend të kësaj Hadja Labib, 54 vjeçe, një ish-gazetare dhe nga korriku 2022, kreu i diplomacisë belge. /tesheshi.com/
