Katër orë kanë zgjatur punimet e Kuvendit Kombëtar të PD-së, të cilat, siç dhe pritej, u mbyllën me miratimin e statutin e ri, shkak për të cilin dhe u mblodh.
Statuti kalua mes shumë kundërshtive, ku u dallua ai i ish-kryetarit Eduart Selami, ndërsa një pjesë e atyre që cilësohen kundërshtarë të z.Basha, si treshja Topalli-Patozi-Bregu e bojkotuan kuvendin. Veçon reagimi në distancë i znj. Topalli, e cila me anë të një statusi në FB pretendon se statusi u rrëzua për mungesë kuorumi.
“Nuk ka kuorum. Rrezohet Lulzim Basha!
Kuvendi i Statutit te Lulzim Bashes u rrezu bashke me Statutin e LB sepse nuk mori kuorumin.
Salla e Kongreseve ka rreth 2500 karrige , shume prej te cilave ishin bosh gjate gjithë votimit, ndërkohë që Kuvendi sipas Lulzim Bashes ka 7000 delegatë.
Sot u perserit ajo qe ka ndodh rreth nje vit me pare kur u fallsifikua dhe u vjedh vota e pjesëmarrja e demokrateve ne proçesin antistatuor te zgjedhje se Lulzim Bashes.
Tani Lulzim Basha hypi avionit dhe ik ne Holande; Keshtu çlirohet dhe PD nga pengmarrja”, u shpreh ish-nënkryetarja demokrate.
Gjithashtu ran ë sy një reagim nga baza, ai ish-kreut të PD-së në Kukës, Ibsen Elezi, i cili foli ashpër kundër zgjedhjës së Arben Ristanit si Sekretar i Përgjithshëm, siç tha, pa qenë asnjë ditë anëtar PD-je. /tesheshi.com/
