Në Kuran, Zoti potencon shembullin e Profetit Jusuf, ndër më të mëdhenjtë e Tij, kaluar në disa sprova, ku më e vështira që ajo nga joshja prej një gruaje, të cilën ai e refuzoi në emër të një morali tejet te lartë me bazë besimin. Jusufi ndër të tjera qe dhe tejet i pashëm si mashkull, me një forcë tërheqëse të jashtëzakonshme për çdo femër, por njëherësh ishte edhe i moralshëm, ofruar si një model virtytshmërie për çdo kohë, vend e rrethanë.
Ndoshta legjenda e kinemasë amerikane Denzel Washington nuk e njeh fare historinë e Jusufit, por ngjan sikur e ka patur model atë në jetën bashkëshortore.
I konsideruar prej dekadash si një nga meshkujt më tërheqës për femrat, dhe përkundër miqësive të shumë bukurosheve botërore, ai kurrë nuk ka shkuar me askënd përveç me Paulette-n e tij.
Këtë vit, Denzel Washington do të festojë ditëlindjen e tij të 70-të dhe nëse pyeten zonjat, ai është ende një nga meshkujt më të dëshirueshëm në botë.
Që kur hyri në Hollywood, Washington ka shijuar titujt “Mashkulli më seksi i gjallë” dhe “Njeriu më i bukur që ka ecur ndonjëherë në tokë”(në fakt i tillë ka qenë Jusufi), por për zemërimin e madh të zonjave(siç ajo që u refuzua nga Jusufi), ai ka qenë i drejtuar vetëm nga gruaja e tij, aktorja Pauletta Pearson Washington, martuar me të që nga viti 1983.
Çifti u takua në xhirimet e filmit të tij të parë, “Vilma” (1977), por nuk folën për herë të parë vetëm disa muaj më vonë, në një festë të organizuar nga një mik i përbashkët. Pastaj Denzel foli për një shfaqje që planifikonte të shihte dhe kur shkoi në teatër, aty takoi Paulette.
Më pas ata shkuan në takimin e tyre të parë, kur ajo pagoi taksinë pasi aktori ende nuk po fitonte mjaftueshëm dhe sot e kujtojnë shpesh këtë datë dhe flasin se sa ka ndryshuar jeta e tyre që nga ato ditë, shkruan Glossy.
Siç pranoi një herë Denzel, ai i propozoi asaj tri herë derisa Paulette më në fund tha po, ku më pas u martuan më 25 qershor 1983, pas së cilës patën katër fëmijë.
Siç shpjegoi dikur, ai është “i bekuar me gruan më të mirë në botë, e cila nuk është vetëm një grua e bukur dhe një grua e mrekullueshme, por edhe një nënë e mirë e katër fëmijëve, të cilët i rritëm së bashku”. /tesheshi.com/
