Një makinë e mbushur me lëndë shpërthyese ka patur si objektiv këtë të dielën një stacion policor në Shemdinli, një zonë administrative në provincën Hakkari, në juglindje të Turqisë.
Siç njofton e përditshmja turke Sabah, terroristët e PKK-së kanë vrarë tetë ushtarë gjatë shpërthimit, e kanë plagosur pesë të tjerë, përfshirë dhe civilë.
Sulmi u krye gjatë një kontrolli të mjeteve të identifikimit para stacionit policor, që gjendet 20 kilometra larg qendrës së Shemdinlisë.
Fillimisht vdiqën gjashtë ushtarë, por dy nga të plagosurit nuk u bënë ballë plagëve, duke ndërruar jetë.
Shemdinli është një zonë malore pranë kufirit turk me Iranin dhe Irakun. Militantët e PKK-së janë aktivë veçanërisht në atë zonë, dhe incidente të tilla të përgjakshme janë të herëpashershme.
PKK-ja njihet si organizatë terroriste nga Turqia, SHBA-të dhe BE-ja. Që prej mbarimit të një armëpushimi dyvjeçar mes PKK-së dhe autoriteteve turke, ka patur një seri sulmesh të përgjakshme prej kësaj organizate në Turqi.
Operacionet spastruese të forcave turke të sigurisë në juglindje të vendit gjatë kësaj kohe janë shoqëruar me vrasjen e rreth një mijë terroristëve të PKK-së. /tesheshi.com/
