Kulla e Heroit kombëtar Isa Boletini në fshatin Boletin, prej 6 muajsh pa ujë të pijë, për shkak të një defekti në pompa, ndërsa që është paralajmëruar se më 10 qershor do të bëhet rivarrimi i eshtrave të Isës dhe bashkëluftëtarëve të tij.
Boletini, Zhazha e Kelmendi, tri fshatrat shqiptare të Komunës së Zveçanit kanë protestuar sot për shkak të mungesë së ujit për një kohë të gjatë.
Në çezmat e këtyre banorëve nuk është duke rrjedhur ujë tash e 6 muaj kanë thënë banorët që të hënën kanë protestuar në fshatin Kelemnd.
Sipas banorëve, shtrirjen e rrjetit të Ujësjellësit në këtë fshatra e ka financuar Komisioni Evropian, por pompat që janë vendosur në fshatin Kelmend dhe Zhazhe, ka mbi 6 muaj që janë dëmtuar dhe deri më sot askush nga institucionet qendrore të Kosovës nuk ka marr mundin që ti rregullojë kanë thënë banorët.
Ne jemi tri fshatra shqiptare të vetme që gravitojmë në veri të Kosovës përkatësisht në Komunën e Zveçanit e cilat administrohet nga serbet.
“Komuna që ne i përkasim nuk është interesuar dhe nuk interesohet për ne, pasi që jemi shqiptarë, ndërsa që si jetim janë duke na shikuar edhe institucionet e Kosovës që nuk po na dalin në ndihmë”, kanë thënë banorët.
Të gjithë banorët pa dallim tash e 6 muaj jemi duke bartur ujin për pije dhe gatim nga qyteti i Mitrovicës me fuqi kanë thënë banorët bukur të revoltuar.
Sipas tyre nëse institucionet qendrore të Kosovës, shpejt nuk gjejnë ndonjë zgjidhje për problemi e ujit rregullimin e pompave, banorët kanë paralajmërua se do të protestohet duke bllokuar magjistralen e ‘Ibrit’, që të shpie nga Mitrovica për në pik kalimin kufitar G1 në Jarinje të Leposaviqit.
Florim Kelmendi, përfaqësues i këtyre tri fshatrave i kanë thënë portalit ‘Tesheshi’, se “ka mbi 6 muaj që fshatra shqiptare Boletin, Zhazhe e Kelemend kanë ngelur pa ujin e pijes, pasi që janë dëmtuar pompat që shtyjnë ujin në këto fshatra”.
Si përfaqësues i këtyre fshatrave kam bërë kërkesë tek zyra e Kryeministri të Kosovës, përkatësish zyra për komunitet që për këto pompa të gjinden mjete dhe të rregullohen.
“Ditë më parë kemi marr një njoftim se zyra e Kryeministrit i ka ndarë mjetet për rregullimin e pompave dhe pritet që vetëm edhe Qeveria të vendos për këtë pasi që Komuna e Zveçanit nuk ka intervenuar deri më tani për rregullimin e tyre” ka thënë Kelemendi.
Në anën tjetër Kadri Istrefi, Drejtor Teknik në Ujësjellësin rajonal të Mitrovicës, lidhur me këtë problem ka theksuar se investimet në shtrirjen e rrjetit të Ujësjellësit në këto tri fshatra i ka bërë Komisioni Evropian.
“Uji është lëshuar në këto fshatra, por problemi qendrorë së Ujësjellësi rajonal i Mitrovicës ende nuk ka bërë pranimin e këtij rrjeti në kuadër të kompanisë. Ne nuk mundemi të investojmë në një rrjete që nuk është pronë e jona duke shtuar se problem do të jetë edhe menaxhimi i këtyre pompave pasi që të rregullohen”, ka thënë Istrefi
/tesheshi.com/
