Çfarë keni prekur me duart tuaja? A mendoni sa mikrobe sapo ia shtuat majës së gishtave tuaja. Të gjithë jemi aq të arsimuar që të kuptojmë se pëllëmbët luajnë një rol të madh në transmetimin e mikrobeve. Por edhe pas larjes, duart dhe gishtat vazhdimisht kontaminohen nga mjedisi rrethues. Studiuesit tregojnë se individët të cilët kanë thonjtë 2 mm ose më të gjata, kanë më shumë mikrobe të pranishme në duar.
Prandaj, mbani duart e pastra dhe larg këtyre pjesëve të trupit në mënyrë që të jeni më të shëndetshëm.
Fytyra
Natyrisht ju duhen duart për të larë fytyrën ose të aplikoni ndonjë krem, por në raste tjera mbani ato larg fytyrës. Kur vendosi duart në ndonjë vend të mbushur me mikrobe dhe më pas prekni fytyrën tuaj, ju rritni rrezikun e marrjes së ndonjë sëmundjeje. Gishtat përmbajnë yndyra që mund të mbyllin poret, pretendon konsulenti dermatolog Adnan Nasir.
Kanali i veshit
Kurrë nuk duheni të futni gishtat apo diçka tjetër në veshët tuaj, meqë kjo mund të dëmtojë lëkurën e hollë që mbulon kanalin e veshit. Nëse ju ndjeni një ndjesi kruarje në veshët tuaj, vizitoni një otolaringolog në vend se të ndërmerrni diçka kokë në vete.
Sytë
Nëse nuk keni nevojë për lente kontakti, mos i prekni sytë tuaj me duar se kjo mund të bartë bakteret në to. Bakteret mund të shkaktojnë infeksione të rënda në sy. Mundohuni të mos t’i prekni dhe t’i fshini sytë tuaj. Në rast se keni një ndjesi kruarje ose keni sytë e thatë dhe jeni të mirë me lentat e kontaktit, vizitoni një specialist sy. Ai do ju ndihmojë të trajtoni çështjen
Goja
Në një studim të rëndësishëm të publikuar në Revistën e Mikrobiologjisë Aplikuara (Journal of Applied Microbiology), një e treta deri në çerekun e mikrobeve të testuar ishin bartë nga gishtat e subjekteve të studiuar në gojët e tyre. Gjithashtu, në pështymë ka me mijëra pika të cilat përmabjnë miliona viruse në një kollë tipik apo teshtitje. Kur mbuloni gojën tuaj me duart tuaja, virusi bartet në pëllëmbën tuaj dhe më pas mund të transferohet lehtë tek çdo gjë që prekni.
Hunda
Mos futni gishtat në hundë! Në një studim të vitit 2006 dhe të publikuar në Revistën për Kontrollin e Infeksionit dhe Epidemiologjia Spitalore (Journal Infection Control and Hospital Epidemiology), ishte thënë se individët që fusin gishtat në hundë janë 51% më të prirur që të kenë bakterin Staphylococcus aureus brenda hundës se ata që mbajnë duart larg.
Lëkura nën thonjtë
Baktere të shumta, duke përfshirë staphylococci, jetojnë nën thonjtë. Thonjtë duhet prerë gjithmonë, sa më shkurtër që mundeni, për të zvogëluar mundësitë për të qenë bartës të baktereve. Nëse nuk dëshironi t’i shkurtoni ato rregullisht, atëherë pastroni thonjtë tuaj sa më mirë, duke përdorur një furçë për të larguar mbeturinat nën to – këshillon David de Beker, dermatolog konsulent në Qendrën Dermatologjike Britanike. Mundohuni të mos gërmoni nën thonjtë tuaj, sepse është shumë e dëmshme dhe mund të shkaktojë onycholysis (ndarja apo lirimi i thoit).
Rektum
Pos fshirjes dhe larjes, mos prekni pa nevojë prapanicën. “Anusi përmban baktere që potencialisht mund të jenë të dëmshme,” thotë Dr. Jared W. Klein. Pasi që të shkoni në tualet, lani duart tuaja tërësisht.
Burim: http://bbcafricanews.blogspot.com/2015/06/dont-touch-these-7-parts-of-your-body.html
