Kryebashkiaku Andy Burnham do të refuzonte të takonte Donald Trump-in nëse ai do të vizitonte Mançesterin gjatë vizitës së tij të planifikuar shtetërore.
Burnham tha se “për shkaqe parimore’”, ai nuk do të mirëpriste Presidentin e SHBA, duke thënë se ai ndau “materiale të urryera, ekstremiste” në internet.
Kryebashkiaku është bashkuar me politikanët e të gjitha partive, duke përfshirë edhe kryeministren, për të dënuar presidentin amerikan Trump për ripostimin e një serie të videove nga grupi ekstremit të djathtë “Britania First”.
Ai gjithashtu i bëri thirrje Theresa May që të tërheqë ftesën e Presidentit për një vizitë të plotë shtetërore.
Por Kryeministrja ka refuzuar ta bëjë këtë, me një mbrojtës konservator që sugjeron që Trump të përdorë këtë udhëtim për të vizituar qytete të tilla si Manchester, për të kuptuar më mirë komunitetin musliman të vendit.
Nadhim Zahawi, deputet për Stratford-Upon-Avon, shkroi në një letër drejtuar Shtëpisë së Bardhë se Presidenti do të gjente “iluminuese” përvojën e “vizitës së qyteteve tona të bukura si Coventry, Birmingham, Manchester dhe Londër”, komunitetet jetojnë “paqësisht” së bashku me njëri-tjetrin.
Sidoqoftë, kryebashkiaku i Mançesterit bëri të qartë se në rast se qyteti do të përfshihet në itinerarin e Presidentit, ai nuk do të jetë i mirëpritur.
“Manchesteri i Madh ka qëndruar gjithmonë kundër ekstremizmit të çdo lloji dhe kjo përfshin pikëpamjet ekstreme që dalin nga Zyra Ovale”, tha Burnham për M.E.N (Manchester Evening News). /tesheshi.com/
