Në këtë fundjavë zhvillohet vizita më e rëndësishme të një zyrtari të Rusisë në Tiranë.
Bëhet fjalë për kreun e Kishës Ortodokse ruse Patriarkun Kiril, i cili është në rang Pape pasi Kisha Ruse ka nën varësi të gjitha kishat sllave.
Në një deklaratë para ardhjes që e shpërndau ambasada ruse, Patriarku Kiril tha se “Do te jetë vizita e parë në histori e primatit të Kishes Ortodokse Ruse në Kishën Ortodokse të Shqipërise, e cila po përjeton sot periudhen e ringritjes pas asgjësimit të plotë të fesë, të çdo simboli fetar dhe çdo shprehjeje të ndjenjës fetare si pasojë e përsekutimeve më të ashpra ndaj kishes në këtë vend në shekullin XX”.
Bie në sy se mungon shprehja “Autoqefale” për Kishën Ortodokse, gjë që është përmendur mjaft në komentet që qytetarët kanë bërë në faqen e facebook-ut të ambasadës ruse në Tiranë.
Ardhja e Kirilit ka rritur shumë masat e sigurisë dhe pritet që Tirana të jetë e bllokuar në fundjavë.
Kreu i Kishës Ortodokse Ruse do të ruhet nga një batalion special i Spetnaz-ëve të ushtrisë ruse, i cili e shoqëron gjithmonë.
Kirili do të qëndrojë në Shqipëri për tre ditë dhe kjo vizitë është një test si për marrëdhëniet e Tiranës me Moskën, por edhe në lidhje me reagimet që mund të vijnë nga BE-ja.
SHISH ka rritur shumë masat e sigurisë në Tiranë edhe Berat, pasi të shtunën në mbrëmje në pallatin e Kulturës “Margarita Tutulani” do zhvillohet një koncert ku do performojë korri Sinodal i Moskës.
Në këtë aktivitet do të jetë natyrisht edhe kreu i Kishës Ortodokse Autoqefale Shqiptare, Anastas Janullatos.
Deri tani mësohet se Krili do të ketë një takim me Prsidentin e Republikës Ilir Meta, ndërkohë që ende nuk është përcaktuar një takim me Kryeministrin Edi Rama.
Lajmi për vizitën e kreut të kishës ortodokse ruse në Shqipëri është bërë i ditur nga vetë Kisha Ruse, e cila ka shtuar se mes Partiarkut Kiril dhe kryepeshkopit Janullatos, ekziston një miqësi gati 50-vjeçare të cilën e kanë ruajtur dhe e kanë forcuar gjithmonë edhe më shumë. /tesheshi.com/
