Kryetari i shoqatës së gazetarëve në Maqedoni, Naser Selmani në një intervistë për radio Europa e Lirë ka deklaruar se është pesimist në lidhje me zgjidhjen e problemit të mediave në vend, kjo për shkak se qëndrimet e partive në pushtet janë shumë skeptike dhe të pandryshueshme, e për këtë gjë bashkësia ndërkombëtare së bashku me administratën amerikane duhet të ushtrojnë presion ndaj partive në pushtet.
“E para herë ne nuk e dimë nëse bisedimet për mediat do të vazhdojnë, unë të jem i sinqertë prisja një qëndrim të tillë nga qeveria sepse mendoj që për ato mediat janë arma më e fortë për të qëndruar në pushtet, se sa prokuroria ose heqja dorë nga ndonjë ministri, pasiqë përmes mediave ato mund të trillojnë përralla të ndryshme për opinionin. Mendoj se bisedimet janë bllokuar nga partia në pushtet. A mund të presim zgjidhje kualitative? Unë mendoj se bashkësia ndërkombëtare si garancë duhet që të debllokojë procesin duke ushtruar një presion të madh ndaj partive në pushtet që të largohen nga qëndrimet e tyre”, ka deklaruar Selmani. /tesheshi.com/
