Nga Vepror Hasani
Ndodhi si në përrallë. Në gjithë qarkun e Korçës, që nga Leskoviku, Erseka, Bilishti, Korça e deri në Pogradec, Mokër, Opar e gjithë malësitë e rajonit u përzgjodhën 17 çifte që do të martoheshin pranverën e vitit 1938. Dasmat e 17 çifteve të përzgjedhura u bënë me shpenzimet e mbretit Zog. Ato mbetën të paharruara. Sa herë binte rasti, çiftet e përmendnin ditën e martesës me krenari: “Ne na martoi vetë mbreti, në dasmën tonë nuk mungoi asgjë, gjithçka shkëlqeu dhe të gjithë mbetën të kënaqur”. Që nga atëherë kanë kaluar 77 vjet, ndoshta ka çifte që ende janë gjallë. Ajo që nuk harrohet prej tyre, është dasma. Ata tërhoqën vëmendjen e banorëve të qarkut Korçë, fati u dha mundësinë të mbeteshin të priviligjuar dhe emrat e tyre të shkruheshin në gazeta.
Njoftimi i parë në shtyp u dha më 20 prill 1938. Bëhej fjalë për 6 çifte të përzgjedhura në bashki, komuna e nënprefektura. Çiftet e përzgjedhura ishin këto:
1. Bashkia e Korçës
Eleni Thanas Maxharko me Sava Radosllav Allagiç
2. Komuna e Qendrës
Razije Isuf me Shaban Fehim nga Dvorani
Razije Isuf me Shaban Fehim nga Dvorani
3. Komuna e Oparit
Sanije Braçan Shkozani me Dervish Danglli nga Lekasi
4. Nënprefektura Pogradec
Satliane Ali Verçuni me Karafil Xhemal Poradeci
5. Nënprefektura Bilisht
Hamdije Emin Bilishti me Ahmet Riza
6. Nënprefektura Leskovik
Vasiliqi Marko me Jorgji Dapshi
Vasiliqi Marko me Jorgji Dapshi
7. Nënprefektura Kolonjë
Aleksandra Sokrat Borova me Petraq Nuni Pojani
(“Gazeta e Korçës”, e mërkurë, 20 prill 1938)
Më pas erdhi një njoftim tjetër. Me shpenzimet e mbretit Zog ishin martuar edhe 10 çifte të tjera
1. Dhimitra Nuni Nedo me Llambi Pandi Qano
2. Dhimitra Dhori Teqenexhi me Rafail Koci Malaveci
3. Sofika Mitro Grabocka me Pandeli Theodhor Çami
4. Mevlude Haki Lubonja me Hysen Sali
5. Enverie Rushan Mustafa me Nazmi Banush Shaban
6. Dhimitra Argjir Trebicka me Dhimitraq Nastas Petro
7. Vasilika Koli Treska me Irakli Naum Karamitro
8. Thomaidha Naum Vero me Vasil Miti Qendro
9. Neslie Muharrem Bejko me Jonuz Alush
10. Eftihi Kiço Qafëzezi me Ded Gjon Prenka
Këto çifte u martuan me shpenzimet e mbretit Zog më 27 prill 1938
(“Gazeta e Korçës”, e enjte, 28 prill 1938)
Kohët kishin ndryshuar. Që nga viti 1929, celebrimi i martesave bëhej në Bashki. I pari që celebroi martesën civile ishte Teufik Mborja me bashkëshorten e tij Nazhie. Për këtë martesë të parë sipas kodit civil, gazetat shkruanin:
”Dje Bashkia jonë afishoi shpalljen e parë për martesë. Z. Teufik Mborja, shef i seksionit të administratës në Ministrinë e Punëve të Jashtme me zonjushën Naxhie Sulejman Mustafa Mborja, kërkuan shpalljen e martesës së tyre, e cila do të celebrohet në Bashkinë e Korçës. Z. Teufik Mborja, i cili inauguroi martesën civile në prefekturën tonë njihet mirë midis të gjithëve për inteligjencën dhe kulturën e tij. Çiftit të parë që po martohen, i urojmë jetë të gjatë e të lumtur”. (“Gazeta e Korçës”, 25 prill 1929)
”Dje Bashkia jonë afishoi shpalljen e parë për martesë. Z. Teufik Mborja, shef i seksionit të administratës në Ministrinë e Punëve të Jashtme me zonjushën Naxhie Sulejman Mustafa Mborja, kërkuan shpalljen e martesës së tyre, e cila do të celebrohet në Bashkinë e Korçës. Z. Teufik Mborja, i cili inauguroi martesën civile në prefekturën tonë njihet mirë midis të gjithëve për inteligjencën dhe kulturën e tij. Çiftit të parë që po martohen, i urojmë jetë të gjatë e të lumtur”. (“Gazeta e Korçës”, 25 prill 1929)
Sot nuk ndodhin ngjarje të tilla kaq mbresëlënëse, ku protagonistë të jenë qeveritarët tanë. E kanë shumë të vështirë të fusin dorën në xhepat e tyre. /tesheshi.com/
