Është mbyllur pas shumë vitesh historia e 93-vjeçarit Oscar Groeing, i akuzuar si “kontabilisti” i Aushvic. Ai ka pranuar se ka mbërritur në kamp në vitin 1942 dhe se në këtë vend të tmerrshëm, hebrenjtë vdisnin në dhoma të mbushura me gaz.
Para gjykatësve ai ka thënë: “Për mua nuk ka asnjë dyshim se jam përgjegjës moral për vdekjen e shumë personave”. Ka qenë një rrëfim i papritur në sallën e jurisë së Lueneburgut, ku ish kontabilisti i kampit nazist iu është përgjigjur akuzave për bashkëpunim në shfarosjen e 300 mijë personave. Groening është shfaqur në sallën e gjyqit pranë dhe i mbrojtur nga avokatët e tij.
Ata që e kanë denoncuar kanë qenë disa të mbijetuar nga Aushvic. “Kërkoj falje dhe nga ana e fajit, ju takon juve ligjërisht të vendosni për gjykimin tim”,- ka thënë i moshuari drejtuar gjykatësve.
Akuza zyrtare që rëndon mbi të është se i ka dhënë para dhe objekte me vlerë që ndodheshin në bagazhet dhe valixhet e të burgosurve, agjentëve nazistë. Ish kontabilisti e ka pranuar fajin.
Ai ka pranuar se ka asistuar në mizoritë që hebrenjtë kishin përjetuar përpara syve të tij. Groening është shprehur se me sjelljen e tij ka pohuar në atë kohë mbështetjen për shfarosjen sistematike të të burgosurve./tesheshi.com/
