Komandanti izraelit: Sinwar, Saladini i ri!

Gjeneral brigade izraelit Ofer Winter kritikon ashpër mënyrën se si po zhvillohet lufta në Gaza dhe paralajmëron për pasojat e statusit global që, sipas tij, gëzon Jahya Sinwar, kreu i Hamasit në Gaza.

Israel Today raportoi përmbajtjen e kritikës së Winter të botuar në një revistë ushtarake, duke theksuar se ajo erdhi pasi ai u pengua të merrte pjesë në një konferencë për të kërkuar një rrugëdalje nga kjo luftë.

Winter konsiderohet si një nga figurat ushtarake më të diskutueshme në Izrael. Ai mbajti poste të larta në ushtri, duke përfshirë shefin e shtabit të Rajonit Qendror dhe sekretar të ministrit të Mbrojtjes, përpara se Shefi i Shtabit të Përgjithshëm Herzi Halevy të vendoste që ai të përfundonte shërbimin e tij në ushtri në maj.

Sipas Israel Today, Winter tha se diagnoza e institucionit të sigurisë për krizën strategjike me të cilën po përballet Izraeli është thellësisht e gabuar.

Ai shtoi se mënyra se si ushtria e ka zhvilluar luftën deri më tani, jo vetëm që ka dështuar në zgjidhjen e krizës, por e ka vënë Izraelin në një situatë shumë më të keqe se kur filloi lufta.

Winter beson se Sinwar ka fituar një reputacion global si Saladini (Al-Ayubi) i epokës sonë, ndërsa Izraeli negocion me të për t’i kthyer robërit e tij. /tesheshi.com/