Kolonët izraelitë vrasin një foshnje palestineze në Nablus

Kolonët hebrenj në Bregun Perëndimor gjuajtën me armë zjarri mbi një shtëpi të një familjeje palestineze ku si pasojë mbeti e vrarë një foshnje.

Sulmi ndodhi në një shtëpi në qytetin Nablus të Bregut Perëndimor, ndërsa nga sulmi janë lënduar edhe prindërit e foshnjës.

Sipas dëshmitarëve okularë, kolonët hebrenj, anëtarë të së djathtës ekstreme, qëlluan mbi shtëpinë e një familjeje palestineze në zonën Duma, në juglindje të Nablusit dhe në murin shtëpisë shkruan parulla raciste. Pas sulmit, ata u larguan nga vendi i ngjarjes.

Një burim në spitalin Rafidia në Nablus, tha se nga sulmi është vrarë fëmija njëvjeçar dhe se babai dhe nëna janë të plagosur dhe janë nën mbikëqyrje mjekësore. Ai thekson se prindërit e foshnjës ndodhen jashtë rrezikut për jetën. Banorët e lagjes ku ndodhi sulmi ngjarjen e përshkruan si “egërsi” dhe bënë thirrje për hakmarrje.