Kisha ortodokse serbe pranoi ftesën e ministrit të Jashtëm Ivica Daçiç për të qenë pjesë e luftës diplomatike për të penguar pranimin e Kosovës në agjencinë e Trashëgimisë Kulturore të OKB-së, UNESCO.
Zyrtari i Kishës, ipeshkvi i Baçkës, Irinej i tha gazetës së Beogradit, “Politika” se do të kërkojë përkrahje nga “motrat ortodokse në botë, por edhe nga Vatikani”.
Irinej ka thënë se Daçiç me të drejtë e ka kuptuar “qëllimin dinak për përvetësimin e trashëgimisë kulturore ortodokse“ me hyrjen e mundshme të Kosovës në UNESCO.
Në muajin korrik, Prishtina zyrtare bëri kërkesë, përmes UNMIK-t, që të pranohet në agjencinë e OKB-së. /tesheshi.com/
