Ambasadorja amerikane Yuri Kim njoftoi për një takim që pati me kreun demokrat Basha, ku më pas lëshoi të njëjtin apel për lista të pastra, pa njerëz me të kaluar kriminale, që më pas mund të përfundojnë me mandate deputeti.
“Pata një takim të shkëlqyer ditën e sotme me kreun e PD-së, Lulzim Basha. Dëgjova programin politik të PD dhe aleatëve të saj.
Nënvizova se SHBA-ja pret që listat e kandidatëve për deputet të jenë të pastra.
Ne do të jemi gjithmonë të përkushtuar për forcuar marrëdhënien SHBA-Shqipëri, me respekt për votuesit shqiptar në zgjedhjet e 25 prillit”, shkroi Kim.
Ky takim mes tyre vjen pas një sulmi nga zëra opozitare ndaj SHBA, me shkas vlerësimin për gjyqtarin Dvorani, “hasëm” i dyshes Meta – Berisha. Ndërsa Basha nuk u ndje në këtë rast. /tesheshi.com/
