Në gazetarinë kosovare ndodhi incidenti i radhës, ku gazetarë të ndryshëm sulmohen pëer shkak të deklarimeve të tyre, nganjëherë dhe kontraverse për një pjesë të opinionit. Shënjestra më e fundit qe Visar Duriqi, të cilit iu thyen hunda dhe dhëmbët.
“Menjëherë pas marrjes së informatës policia ka dalë në vendin e ngjarjes dhe në bazë të informacioneve të para dyshohet që tre persona të maskuar kanë sulmuar me grushte viktimën në hyrje të banesës së tij duke i shkaktuar lëndime trupore”, thë policia në deklaratën e saj zyrtare.
Vetë Duriqi, i cili dhe është vetëfotografuar dhe vetëpublikuar me gjak në fytyrë, tha se nuk zbrapset nga kjo që i ndodhi.
Sa i përket sulmit dhe tre personave qe e kane kryer atë mbrëmë pas mesnatës, ajo është çështje qe i takon Policisë dhe Prokurorisë. Ata, deri tash po bëjnë çdo gjë qe është e mundur me aq sa lejon ligji.
Ata që e kanë porositur këtë sulm, e që për momentin ende nuk i di se kush janë, duhet ta dinë që një hundë dhe disa dhëmbë të thyer nuk është që na frikësojnë. Pas stabilizimit me gjendjen shëndetësore kthemi aty ku e kemi lënë,” shkroi i dëmtuari Duriqi. /tesheshi.com/
