Kompania gjermane e makinave ‘Mercedes Benz’ po provon një hap tjetër tepër të guximshëm, për të ndërtuar avionë shërbimi të vegjël dhe luksozë
Mercedes Benz, kompania më e vjetër dhe ndoshta më e madhe e prodhimit të makinave në botë, është duke konceptuar një mjet të ri fluturues, në bashkëpunim me një kompani gjermane të fluturimeve ajrore.
Bashkëpunimi do të krijojë avionë të vegjël shërbimi, luksozë dhe të përshtatshëm për udhëtime pune, duke siguruar kushte që edhe të punohet duke fluturuar.
Mercedes do të krijojë kabinat, pra pjesën e brendshme të këtyre avionëve, sipas koncepteve të tij, duke ngarkuar me punë degën Mercedes-Benz Style, ndërsa nga pala tjetër do të punojë një kompani inxhinierike që është degë e kompanisë së fluturimeve.
Kabina e krijuar nga Mercedes do të jetë diçka që nuk është parë në asnjë avion tjetër, ku të jepet përshtypja se je në ndonjë dhomë, jo në ndonjë kabinë avioni. Një dhomë pa kënde, por me konture të lakuara në vazhdimësi.
Aeroplani hibrid i dy kompanive gjermane do të ketë fjalët e fundit të teknikës, një përzierje e makinave Mercedes, avionëve më të fundit Boeing 787 “Drimlajner” (Dreamliner) dhe dhomave më luksoze të hoteleve.
Mercedesi dhe kompania ajrore po studiojnë interesin e blerësve të mundshëm, por ekziston mundësia që këto avionë t’i bëjnë njerëzit që të mos kenë nevojë për prenotojnë hotele./tesheshi.com/
