Fluturimi i rreth 100 personave mbeti në ajër kur një 28-vjeçar dhe një 29-vjeçar në gjendje të dehur dukshëm hipën në fluturimin e AirAsia nga Perth, Australi për në Bali dhe filluan të bërtasin se kishin vendosur bomba në avion.
Dyshja e meshkujve krijuan një trazirë të madhe të martën e kaluarqë rezultoi në thirrjen e rojeve të sigurisë për t’i larguar ata nga avioni i mbushur plot.
Pamjet e marra nga pasagjerët tregojnë meshkujt ngatërrestarë duke u përballur me rojet në korridorin e avionit dhe një përleshje pasoi mes tyre për t’i shpëtuar arrestimit, raportoi Daly Mail.
“Hiq duart nga unë,” bërtet njëri nga burrat. “Rri qetë ose do të të prangos”, paralajmëron një roje.
Pas një beteje të vogël, ata mundën t’i prangosnin dhe t’i nxirrnin nga avioni me pasagjerët shpërthyen në duartrokitje.
“Ata ishin dukshëm të dehur para se të hynin në avion”, tha një pasagjer i mërzitur për fluturimin e anuluar. Një tjetër pasagjer përshkroi se si “filluan të shanin dhe të flisnin për bomba në avion, ne ishim të tmerruar”.
Edhe pse të dy u gjobitën me 500 dollarë secili, ata u shfaqën të papenduar për shakanë e tyre, duke mos kuptuar arsyen e anulimit të fluturimit. /tesheshi.com/
