Pak orë nga nisja e seancës së jashtëzakonshme të Kuvendit ku pritet të miratohet ligji i Vettingut, i konsideruar si “zemra” e reformës në drejtësi, kryeministri Edi Rama mblodhi grupin parlamentar të PS-së, për të diskutuar pikërisht rëndësinë e këtij ligji.
Në përfundim të mbledhjes, zv/kryeministri Niko Peleshi tha se “pretendimet e PD-së për këtë ligj janë tërësisht të pabazuara”. “Shpresojmë që deri në fund të ditës të kthjellohen”, deklaroi Peleshi.
Ndërsa më herët, në konferencën live që zhvilloi në Facebook, kryeministri Rama theksoi se ligji për vettingun do të miratohet sot, me apo pa votat e opozitës. “Ne do ta votojmë me 84 apo më shumë vota vettingun”, tha kreu i mazhorancës. /tesheshi.com/
