Përkundër ndalesave të shumta, protestuesit “jelekverdhë dolën sërish këtë të shtunën në rrugët e qyteteve franceze, kësaj here në emër të një aktivisteje të dëmtuar në kokë javën e kaluar, e si gjithnjë duke kundërshtuar politikat ekonomike të presidentit Emmanuel Macron.
Por shtysa më e madhe ka qenë 73-vjeçarja Genevieve Legay, një aktiviste kundër globalizimit, i cila pësoi dëmtime në kokë në qytetin jugor të Nisës javën e kaluar.
Prokuroria në Nice njoftoi se ajo ishte shtyrë nga një polic.
Në javët e fundit, protestat kanë mbledhur më pak njerëz sesa ato të fillimt në nëntor të vitit të kaluar, kur qindra mijëra njerëz dolën në rrugë në të gjithë Francën.
Shkak fillestar qe çmimi i rritur i karburanteve fosile. Macron u tërhoq duke e anulluar rritjen e çmimit, por protestat vijuan, shoqëruar dhe me një dhunë të paparë. /tesheshi.com/
