Siç raporton BBC, ca e quajtën modelin Type 00 “magjepsës” dhe “absolutisht verbues” e të tjerë u kërkuan dizajnerëve të tij “të kthehen në tabelën e tyre të vizatimit”.
Në prezantim, Jaguar tregoi edhe logon e re, duke zbatuar ndryshimin më të madh në historinë e saj, me qëllim që të bëhet një kompani që do të prodhojë vetëm makina elektrike.
Shitjet e Jaguar kanë qenë në rënie vitet e fundit, me shumë argumente se imazhi i saj tradicional nuk godet më dhe kështu një ndryshim do të ishte një bast me pak anë negative.
Modeli Type 00 i paraqitur në Miami është një prototip që nuk do të hyjë në prodhim masiv. Megjithatë, ai jep një tregues të drejtimit që do të marrin modelet e reja të kompanisë, të cilat pritet të kalojnë 120 mijë euro në çmim.
Modeli i paraqitur ka logon e Jaguar të gdhendur me lazer në një shufër bronzi në secilën anë të makinës, e cila hapet për të zbuluar kamerat e pasme që i ofrojnë shoferit një pamje të ngjashme me pasqyrat e jashtme konvencionale nëpërmjet ekraneve të vendosura në kabinë.
Veçoritë më të spikatura, përveç ngjyrave, përfshijnë mungesën e xhamit të pasmë.
Copy nothing. #Jaguar pic.twitter.com/BfVhc3l09B
— Jaguar (@Jaguar) November 19, 2024
Kreu i dizajnit të Jaguar tha se ai mirëpret vëmendjen që ka gjeneruar kthesa e kompanisë: “Ka shkaktuar bujë dhe do të vazhdojë ta bëjë këtë. Nuk është dëshira jonë që të pëlqehemi nga të gjithë”. /tesheshi.com/
