Në Zelandën e Re u mbajt një tjetër ceremony e në kujtim të 50 personave të vrarë në sulmin terrorist të kryer mbi xhamitë Al Noor dhe Linëood në Christchurch, ngjarje e ndodhur dy javë më parë.
Dhe ajo, kryeministrja Jacinda Ardern, përshëndeti sërish me “Selam Alejkum”, madje dhe duke e zbërthyer kuptimin e saj.
Në Hagley Park në Christchurch, aty ku u zhvillua ceremonia, ishin gjithashtu të pranishëm dhe guvernatorja e përgjithshme e Zelandës së Re, Patsy Reddy, kryeministri i Australisë Scott Morrison, artistët Yusuf İslam, Marlon Williams, Holly Smith, Teeks si dhe përfaqësues nga 59 shtete.
“Bota është e bllokuar në ciklin e ekstremeve që sjellin ekstremizma dhe kjo duhet të mbarojë”,tha Ardern.
Në fjalimin e saj, ajo tha se nuk gjen asnjë fjalë që të lehtësojë dhimbjet e viktimave të terrorizmit dhe tërhoqi vëmendjen në rëndësinë e përshëndetjes “Esselamu alejkum’’.
“Cilat fjalë mund t’i shprehë mjaftueshëm për dhimbjet e 50 burrave, grave dhe fëmijëve? Cilat fjalë mund të përfshijnë problemet e komunitetit tonë musliman që janë në objektivin e urrejtjes dhe dhunës? Cilat fjalë mund të shpjegojnë pikëllimin e një qyteti që ka përjetuar dhimbje më parë? Erdha këtu dhe jam përballur me një përshëndetje të thjeshtë. Eselamu alejkum; paqja qoftë me ju”, tha Ardern. /tesheshi.com/
