Në kuadër të marrëveshjeve të ndërsjella në Akademinë Ushtarake të Forcave Tokësore të Turqisë (Harbiye) studiojnë edhe studentë/e nga Kosova, Maqedonia, Bosnjë-Hercegovina, etj.
Akademia Ushtarake e Forcave Tokësore të Turqisë (KHO-Harbiye), krahas oficerëve turq përgatit për detyrë aktive edhe oficerët e vendeve të Azisë, Afrikës dhe Evropës. Në Akademinë ushtarake, e cila ka përgatitur udhëheqës të shteteve, veçojmë këtu udhëheqësin e Turqisë modern, Mustafa Qemal Ataturk, krerët e shtabit të përgjithshëm dhe komandantë të forcave të Armatosura të vendit, gjithashtu arsimohen edhe studentë të huaj. Në kuadër të marrëveshjeve të ndërsjella në Akademinë Ushtarake studiojnë 285 studentë nga 19 vende mike dhe aleate si Qiproja, Bosnja dhe Hercegovina, Azerbajxhani, Turkmenia, Afganistani, Gjeorgjia, Moldavia, Gambia, Kosova, Maqedonia, Arabia Saudite, Jordania, Libia, Somalia dhe Koreja e Jugut.
Ebou Touray, nga Gambia thotë se shkollimin ushtarake në Akademi e ka filluar vitin e kaluar. Ai shprehet se e ka pasur të vështirë në fillim, kur ka ardhur në Turqi pasi nuk dinte as gjuhën. Touray shpjegon se komandantët dhe shokët e tij tregojnë një interes të afërt me të, ndërsa thekson më tej se pas kursit të gjuhës turke ai e zgjidhi problemin e gjuhës. Touray cilëson se në Akademinë Ushtarake ata marrin një arsim “shumë të mirë” dhe se është me fat për këtë. “Pas diplomimit këto që ka mësuar në Turqi do ti përdor në të mirë të vendit tim”, shton ai.
Ndërsa studentja nga Kosova, Liridona Baftijari tregon se ajo ka ardhur në vitin 2011 në Turqi. Ajo shprehet se Kosova dhe Turqia janë dy vende mike, ndërsa është e bindur se njohja e mirë e gjuhës dhe kulturës turke do ti sigurojë asaj një lehtësi në të ardhmen profesionale.
Shokët e klasës dhe komandantët më kanë ndihmuar të përshtatem me shkollën dhe mësimet, shpjegon Baftijari, ndërsa shton se në të ardhmen dëshiron të bëhet atashe ushtarake. Ndërsa Nënkoloneli Abdurrahman Dinçbaş në Regjimentin e Studentëve ushtarakë të huaj në akademinë ushtarake tha se nga 285 studentë ushtarakë 50 prej tyre ndjekin kursin e gjuhës turke dhe se ky kurs zgjat 1 vit.
Nënkoloneli Dinçbaş shpjegon se krahas plotësimit të nevojave ata u sigurojnë studentëve edhe pjesëmarrje në aktivitete arsimore, sociale dhe kulturore. Ai nënvizon se studentët e ardhur nga shtetet e tjera arsimohen në të njëjtat kushte dhe standarde me studentët turq. Krahas arsimimit ushtarak studentët përgatiten edhe në fusha të tjera si industri, elektronikë, inxhinieri kompjuterike, hartografi, menaxhim, menaxhim publik, sociologji, etj. Gjithashtu studentëve u jepen mundësitë për t’u njohur edhe me teknika dhe teori teknike të ndryshme.
