Skica e një frigoriferi lënë nga Leonardo da Vinci, tashmë është realizuar praktikisht në një model funksional. Modeli u paraqit në Milano, e ka ndjekur pikë për pikë dizenjimin e shpikësit që daton rreth vitit 1492. Skica përfshin vizatimin e makinës dhe një shpjegim teorik sesi do të funksiononte.
Me gjasa ky “frigorifer” u dizenjua për pijet apo embëlsirat që të mbaheshin të ftohta. Makineria përdor një manivelë rrethore që të krijojë rrymë ajri të ftohtë, që shkon nëpër shumë kanalizime që të përqëndrohet në një mbajtës qendror.
Ndërsa Leonardo njihet si një shpikës inovator, ai dizenjoi gati cdo gjë që nga urat deri tek makinat fluturuese, ka mundësi që ky model frigoriferik të jetë bërë realitet që në kohën kur ai ishte gjallë. Ai organizoi disa festa ku kishte edhe shatërvanë me dëborë, e nuk ka arsye të përjashtohet mundësia që makina frigoriferike të jetë bërë funksionale në laboratorin e shpikësit.
“Frigoriferi” i Leonardos mund të vizitohet nga publiku në Milano në muzeumin që mban emrin e tij deri në muajin tetor. /tesheshi/
