Renditja e drogave, varësisht se në çfarë mase ato krijojnë varësi, është një detyrë shumë e vështirë, ngase gjithë ne reagojmë në mënyra të ndryshme ndaj substancave të ndryshme. Por një grup ekspertësh të “varësisë”, përfshirë specialistë nga Kolegji Mbretëror i psikiatërve, si dhe kimistë, shkencëtarë të mjekësisë ligjore dhe farmakologë, kohën e fundit kanë publikuar këtë renditje në revistën Lancet, rezultatet e së cilës do t’ju befasojnë.
Psikiatri i Kolegjit Imperial të Londrës dhe një ekip i ekspertëve të “varësisë”, bënë një rankim të varësisë ndaj substancave të caktuara, duke i dhënë çdo droge një renditje nga 0 deri 3, ku 3 paraqet shkallën më të lartë të varësisë, ndërkohë që 0 paraqet shkallën më të ulët të saj.
Heroina – Truri bën konvertimin e heroinës në morfinë, e cila lidhet për molekula të qelizave të cilat kanë ndikim në mënyrën sesi ne përceptojmë dhembjen dhe shpërblimin duke prodhuar një ndjenjë euforie. Por mbidoza mund ta vrasë njeriun, ngase ngadalëson dhe madje mund të ndalë në tërësi frymëmarrjen. Renditja 3 prej 3
Kokaina – Brenda disa sekondash, kokaina bën që truri të vërshojë nga substanca kimike – dopamina, e cila bën që të ndihemi mirë. Ndjenja e kënaqësisë është aq e fuqishme sa që disa kafshë laboratorike kanë zgjedhur kokainën para ushqimit derisa kanë ngordhur nga uria. Renditja 2.4 prej 3
Nikotina
Përbërësi kryesor në duhan është nikotina, e cila thithet nga mushkëritë dhe shkon në tru, ku arrin pikun brenda 10 sekondave. Për shkak se efektet e saj zhduken aq shpejtë – përfshirë ndjenjën e kënaqësisë – shkencëtarët mendojnë se duhanpirësit janë më të prirur për përdorim të përsëritur. Rreth 85% e njerëzve që përpiqen për të lënë duhanin, i kthehen përsëri. Renditja 2.2 prej 3
Barbituratet
Barbituratet të cilat përshkruhen ende përkohësisht për gjendje të tilla si ankthi dhe pagjumësia, bllokojnë sinjalizimin e substancave kimike të trurit, duke inaktivizuar disa regjione të trurit. Në doza të vogla, këto barëra mund të shkaktojnë ndjenjën e euforisë, por në doza të mëdha ata mund të shtypin frymëmarrjen dhe të shkaktojnë vdekjen. Renditja 2 prej 3
Alkooli
Alkooli ndërhyn me korierët në tru të quajtur “ngacmues”, duke ngadalësuar të menduarit, frymëmarrjen dhe ritmin e zemrës. Në të njëjtën kohë, ajo nxit korierët “frenues”, duke na dhënë ndjenjën e kënaqësisë. Renditja 1.9 prej 3 /tesheshi.com/
