Kryeparlamentari shqiptar Ilir Meta, është takuar mbrëmjen e kaluar në Prishtinë me homologun e tij kosovar, Kadri Veseli.
Sipas medias në Prishtinë, takimi është mbajtur në njërin prej restoranteve në periferi të kryeqytetit, ndërsa raportohet se sipas burimeve jozyrtare, Meta është në Kosovë për të ndërmjetësuar në mes të opozitës dhe koalicionit për dalje nga kriza parlamentare kosovare.
Kjo, pasi më parë se të takohej me Veselin, Meta ishte edhe në Gllogjan, në kullën e liderit të Aleancës për Ardhmërinë e Kosovës, Ramush Haradinaj. Pra, në skajin tjetër të politikës.
Sipas të përditshmes Zëri, vlen të theksohet fakti se Meta është njëri nga politikanët shqiptarë që ka raporte të mira me të gjithë taborët në Kosovë. /tesheshi.com/
