Sekretari i Shtetit Antony Blinken filloi një vizitë në Lindjen e Mesme në Izrael të martën, që synon forcimin e një armëpushimi me Hamasin, i cili drejton Gaza-in, si dhe për të ndihmuar në përshpejtimin e ndihmës humanitare për enklavën e shkatërruar palestineze.
Në të njëjtën kohë, autoritetet izraelite thanë se po lejonin karburantin, ilaçet dhe ushqimin e destinuar për sektorin privat të Gaza-ss të hynin në territor, për herë të parë që kur sulmet 11-ditore aty filluan më 10 maj.
Blinken duhet të vizitojë Ramallahun në Bregun Perëndimor të okupuar, si dhe Kajron dhe Amanin, raporton Reuters.
Takim me Netanyahun dhe Abbas
Shtetet e Bashkuara “shpresojnë dhe presin” që armëpushiim të mbahet i pacenuar”, tha një zyrtar i lartë i Departamentit të Shtetit.
“Fokusi ynë kryesor është në mbajtjen e një armëpushimi, duke siguruar ndihmë për njerëzit që kanë nevojë për të,” tha një zyrtar i SHBA të hënën, i cili dëshironte të mbetet anonim.
Egjipti ishte ndërmjetësi në përfundimin e armëpushimit, në koordinim me Shtetet e Bashkuara.
Blinken, i cili do të qëndrojë në rajon deri të enjten, është planifikuar të takohet të martën më vonë me kryeministrin izraelit Benjamin Netanyahu në Jeruzalem dhe presidentin palestinez Mahmoud Abbas në Ramallah.
Kujtojmë që shefi i diplomacisë amerikane, në Shqipëri vijon të jetë në toplistën e lajmeve, pasi prej tij, ditë më parë, u kumtua publikisht shpallja e “non grata”-s për Berishën.
Ndërkohë, ky i fundit tha se do ta padisë në Francë zyrtarin e lartë amerikan, duke pretenduar se ai e jo administrata amerikane, i kanë cenuar nderin dhe dinjitetin. /tesheshi.com/
