Një histori shumë e bukur vjen nga Shtetet e Bashkuara të Amerikës dhe më konkretisht nga Tennesse. Bëhet fjalë për një grua, e cila 55 vite më parë humbi unazën që bashkëshorti i kishte dhuruar në përvjetorin e tyre të parë të martesës. Zonja, e cila quhet Rose, ishte duke nderur rrobat në kopsht kur ndjeu që unaza i rrëshqiti nga dora dhe i ra në ambientet jashtë banesës. Pavarësisht kërkimeve të shumta, ajo nuk arriti ta gjente kurrë dhuratën e bashkëshortit.
Në këtë fillim pranvere ndodhi diçka tërësisht e papritur. Nipi i saj 9 vjeçar, Noah, i cili banon në një shtet tjetër, jo në Tennesse, shkoi për vizitë tek ajo bashkë me prindërit. Ai kishte marrë m vete një dhuratë që i kishin bërë për Krishtlindje. Bëhet fjalë për një gjurmues metalesh.
Duke luajtur në tokë, në oborrin e shtëpisë, ai mundi të zbulojë unazën që gruaja kishte humbur 55 vite më parë. E moshuara Rose e kishte vuajtur tmerrësisht shumë humbjen e unazës dhe kur më në fund, si një dhuratë nga nipi arriti ta gjendte, nuk dinte se si të reagonte nga lumturia.
Fatkeqësisht, bashkëshorti i saj, i cili është zhdukur pa lënë gjurmë në vitin 2005, nuk mundi të shijonte bashkë me Rose këtë lumturi të papërshkrueshme që kaploi gruan./tesheshi.com/
