Sot në Arabinë Saudite ka nisur një proces historik. Për herë të parë, Komiteti i Përgjithshëm i Zgjedhjeve ka regjistruar edhe kandidate gra, ç’ka përbën një “revolucion” në Mbretërinë e themeluar pas Lustës së Dytë Botërore.
Në zgjedhjet lokale të dhjetorit që do të zhvillohen në Arabinë Saudite, edhe femrat do të kenë të drejtën për të zgjedhur dhe për tu zgjedhur. Komiteti i Përgjithshëm i Zgjedhjeve Vendore në faqen zyrtare të tij në internet, ka njoftuar se nga 1 mijë e 163 qendra votimi që janë në të gjithë Arabinë Saudite, 424 do t’i ndajnë për femrat.
Pas Kuvajtit e drejta e votës për gratë zbatohet për herë të parë në Arabinë Saudite. Kjo do të praktikohet në zgjedhjet bashkiake, që do të mbahen më 12 dhjetor 2015.
Procedurat e zgjedhësve, të cilat kanë filluar sot, do të kryhen në qendra të pavarura që do të përcaktohen enkas për gratë. Sipas kalendarit zgjedhor më 22 gusht – 14 shtator do të kryhen regjistrimet e zgjedhësve, ndërmjet datave 30 gusht -17 shtator do të pranohen aplikimet kandidatëve meshkuj dhe femra. Ndërsa më 29 nëntor pasi të shpallet lista përfundimtare e kandidatëve deri më 10 dhjetor do të realizohet fushata e zgjedhjeve. Me 12 dhjetor 2015 populli do të votojë për drejtuesit vendorë të bashkive.
Femrat e Arabisë Saudite. në zgjedhjet bashkiake që janë mbajtur në vitet 2005 dhe 2011, nuk kanë marrë pjesë, por Mbreti i mëparshëm Abdullah Bin Abdulaziz, më 25 shtator 2011 kishe nxjerrë vendimin që femrat të ketë të drejtë të votojnë dhe marrin pjesë në garën zgjedhore për pushtetin lokal. /tesheshi.com/
