Himni i Kosovës do të këndohet për herë të parë në mënyrë zyrtare edhe në Serbi, i cili është vendi organizator i “Ballkaniadës” në taekwondo.
Mediat serbe e kanë cilësuar si skandaloz këtë organizim, pasi në këtë garë do të merr pjesë edhe Kosova.
“Taekwondistët nga Kosova vijnë në Zrenjanin, pasi Federata e tyre është e pranuar në Unionin Ballkanik të Taekwondos, dhe kështu kanë të drejtë të garojnë”, – ka thënë sekretari i përgjithshëm i Federatës Serbe të Taekëondos, Zoran Çendiq.
Edhe taekwondistja më e mirë serbe, Milica Mandiq, këtë situatë e ka cilësuar si të pakëndshme.
“Askujt nga ne nuk i vjen mirë që ekipe nga Kosova do të marrin pjesë. Jemi të dëshpëruar sidomos pasi që gjithçka po ndodh në raportin Serbi –Kosovë”, ka thënë Mandiq.
Kampionati i taekwondos në Zrenjanin do të mbahet më 5 dhe 6 dhjetor./tesheshi.com/
