Kryeministri Haradinaj tha se presidenti i Kosovës Hashim Thaçi nuk duhet të përpiqet, sipas tij, të mashtrojë me korrigjim kufiri, sepse, siç pretendon ai, kjo nuk do të ndodhë.
Haradinaj e konsideron se asnjë pjesë e territorit të Kosovës nuk është e diskutueshme, dhe për këtë arsye nuk mund të ketë rregullim të kufijve, e as Kosova nuk mund të kthehet në kufijtë para 17 shkurtit 2008.
Sipas tij, loja me kufij ka shkuar shumë larg.
Ai gjithashtu përsëriti se “nuk do të ketë Republika të Dodikut”, një komunitet me komuna me shumicë serbe me fuqi ekzekutive.
Me rastin e spekulimeve në lidhje me tërheqjen e forcave amerikane nga Kosova, Haradinaj ka thënë se Prishtina dëshiron që ata të qëndrojnë.
Nga ana tjetër, presidenti Thaçi kërkoi përsëri që të respektohen këshillat e Shteteve të Bashkuara, sepse kjo, sipas tij, është e vetmja alternativë. Me këtë, Thaçi iu referuar (mos)heqjes së taksës.
“Kosova nuk ka rrugë tjetër përveçse të ruajë, të kultivojë dhe të respektojë këshillat e Shteteve të Bashkuara. Nëse dikush nuk do të dëgjojë këto këshilla, qytetarët e Kosovës do të pyesin: me këduhet të bashkëpunojmë dhe këshillat e kujt do të merren parasysh”, tha Thaçi
Ai përsëri hodhi poshtë idenë e ndarjes së Kosovës apo shkëmbimin e territoreve, duke thënë se korrigjimi i kufirit shkon përtej kuadrit të Kushtetutës, por që do të punohet në ndryshimin e saj me partitë politike dhe në debat me shoqërinë civile.
“Korrigjimi i kufijve, po. Me një shtet të pavarur dhe sovran të Kosovës, duke u bashkuar me Preshevën, Bujanocin dhe Medvegjen në Kosovë. Ndryshimi në Kushtetutë nuk është fundi i botës”, tha Thaçi. /tesheshi.com/
